Казанда ел саен үткәрелә торган «Созвездие-Йолдызлык» ТР эстрада сәнгатенең XXI ачык яшьләр телевизион фестивале грандиоз концерт белән тәмамланды. Чарада Татарстан Республикасы Президенты Рөстәм Миңнеханов катнашты.

Бәйрәм кичәсендә юбилярны дуслары, хезмәттәшләре, театр кунаклары котлады.

“УНИКС” мәдәни-спорт комплексындагы суперфиналга Татарстанның 45 районыннан биш мең ярым талантлы бала килде. Алар – февральдән мартка кадәр Татарстанның төрле географик зоналарында узган сайлап алу этапларында җиңгән иҗат коллективлары һәм аерым башкаручылар. Концерт 3 сәгатькә якын барды. Тагын бер сәгать катнашучыларны бүләкләүгә китте.

Суперфинал башланыр алдыннан ТР Дәүләт Киңәшчесе, «Яңарыш» республика фондының Попечительләр советы рәисе Минтимер Шәймиев «Созвездие-Йолдызлык» фестиваль хәрәкәте эшенә югары бәя бирде. Республика дәүләт бүләкләрен тапшыру тантанасында Татарстан Дәүләт Киңәшчесе «Созвездие-Йолдызлык» фестивален уникаль һәм уңышлы гамәлгә ашырыла торган проект дип атады.