«Созвездие-Йолдызлык» фестивале Бөгелмәдә 2800 яшь талантны җыйды

Бөгелмәдә ачык республика яшьләр фестиваленең зона туры зур гала-концерт белән тәмамланды. Өч көн дәвамында республиканың алты районыннан – Азнакай, Әлмәт, Баулы, Бөгелмә, Лениногорск һәм Ютазы районнарыннан килгән балалар жюри хөкеменә иҗади номерлар тәкъдим иттеләр.

Гала-концертны ачу тантанасында Бөгелмә районы башлыгы Линар Закиров катнашучыларга һәм кунакларга сәламләү сүзе белән мөрәҗәгать итте. Аның сүзләренә караганда, фестивальнең нәкъ менә Бөгелмәдә – тирән мәдәни традицияләр һәм бай тарихи мирасы булган шәһәрдә узуы символик мәгънәгә ия.  Бу-Татарстанда иң зур фестиваль хәрәкәте. Линар Закиров барлык катнашучыларга да үз талантларын ачарга һәм иҗади сәләтләрен тулысынча тормышка ашырырга теләде.