Казан Кремлендә «Көмеш Коръән» күргәзмәсе ачылды

2022 елның 19 октябре, чәршәмбе

2022 елның 18 октябрендә «Казан Кремле» Музей-тыюлыгының Ислам мәдәнияте музеенда «Көмеш Коръән» күргәзмәсе ачылды. Анда 999 проба көмештән эшләнгән һәм 162 биттән торган VIII гасыр кулъязмасының төгәл күчермәсе китерелгән.

Ислам мәдәнияте музеенда күргәзмәне ачу чарасында шулай ук Төркия Республикасының Казандагы Генераль консулы Исмәт Эрикан һәм Үзбәкстан Республикасының Генераль консуллыгының беренче секретаре Давронов Камол Гафуров улы катнашты.