Рөстәм Миңнеханов Казанда «Созвездие–Йолдызлык» арт-резиденциясен ачуда катнашты
Бүген Татарстан Республикасы Президенты Рөстәм Миңнеханов «Созвездие–Йолдызлык» арт-резиденциясен ачуда катнашты. Яңа мәйданчык Казандагы тарихи Алафузов театры бинасында урнашкан (Гладилов ур., 49).
Чарада Башкортостан Республикасы Башлыгы Радий Хәбиров та катнашты (ул Татарстанда эш сәфәрендә).
Кунакларга аңлатмаларны Татарстан Республикасы яшьләр эшләре министры Дамир Фәттахов һәм фестивальнең генераль продюсеры, Россия Хөкүмәтенең мәдәният өлкәсендәге бүләге иясе Дмитрий Туманов биреп бардылар.
«Созвездие–Йолдызлык» фестиваленең арт-резиденциясе Татарстан Республикасы Президенты Рөстәм Миңнеханов ярдәме белән барлыкка килде, диде Дмитрий Туманов, яшь талантлар монда репетицияләр ясый алалар һәм җитди нәтиҗәләргә ирешергә мөмкиннәр, районнардан килгән яшьләр дә үз иҗатларын күрсәтә алалар.
Рөстәм Миңнеханов чыгышында билгеләп үткәнчә, Татарстанда «Созвездие-Йолдызлык» хәрәкәте булу белән горурланалар, анда 70-90 меңләп бала катнаша. Яңа «Созвездие–Йолдызлык» театрын ул ТАССРның еллыгына шәһәр кешеләре өчен лаеклы бүләк дип атады. «Сез монда иҗат итә аласыз, - диде Рөстәм Миңнеханов. - Казанның мәдәният картасында яңа нокта барлыкка килде, ул шәһәрнең бөтен Киров районына яңа импульс бирәчәк».
Тантанада шулай ук Татарстан Республикасы Президенты Аппараты Җитәкчесе Әсгат Сәфәров, Казан мэры Илсур Метшин, Татарстан Республикасы мәдәният министры Ирада Әюпова һәм башкалар катнашты.
Искәртәбез, «Алафузов театры» бинасында (аңа 110 елдан артык), моңарчы Г. Кариев ис. Казан яшь тамашачы татар дәүләт театры урнашкан иде һәм бу бина республика әһәмиятендәге тарихи ядкяр булып тора. Татарстан Республикасы Президенты Рөстәм Миңнеханов кушуы буенча бинага капиталь ремонт һәм бинаны реконструкцияләү проекты эшләнде, театр скверын төзекләндерү дә күз аллдында тотылды.
Зал 300 урынлык. Спектакльләр ике дәүләт телендә куелачак дип планлаштырыла.