Казанда XVIII Казан халыкара мөселман киносы фестивале тәмамланды
Татарстан башкаласында XVIII Казан халыкара мөселман киносы фестивале тәмамланды. Масштаблы чара 7-11 сентябрь көннәрендә Татарстан Республикасы Президенты Рөстәм Миңнеханов һәм Россия Мәдәният министрлыгы, шулай ук "Россия - Ислам дөньясы" стратегик күзаллау төркеме белән партнерлыкта узды.
Халыкара мәдәни кино чарасының ябылу тантанасы "Пирамида" мәдәни-күңел ачу комплексында узды. Ул башланганчы кызыл келәм юлы буйлап Россиядән һәм якын һәм ерак чит илләрдән фестивальдә катнашучылар, судьялар комиссиясе әгъзалары, шулай ук проектны гамәлгә куючылар һәм хакимият вәкилләре узды.
Чарада шулай ук ТР Премьер-министры урынбасары, фестивальне оештыру комитеты рәисе Васыйл Шәйхразиев, Татарстан мәдәният министры Ирада Әюпова, ТР Президенты каршындагы Мәдәниятне үстерүгә ярдәм фонды башкарма директоры Нурия Хашимова, жюри рәисе, режиссер, РФ халык артисты Владимир Хотиненко, ТР атказанган сәнгать эшлеклесе, Казан кинофестивале башкарма директоры Миләүшә Айтуганова, Татарстан Республикасы Хөкүмәте әгъзалары, дин әһелләре һәм башкалар катнашты.